ЧЕ ВРЕДИ: Најпрвин шинтерска служба и стационар за кучиња скитници, потоа паркови за миленици

Share on facebook
Facebook
Share on twitter
Twitter
Share on email
Email
Share on print
Print


Ветувањата за реализација на проектот „Паркови за миленици“ се невозможни да се остварат додека претходно не се реши прашањето со кучињата скитници“, велат во денешното соопштение од граѓанската иницијатива „Че вреди“.

„Граѓанската иницијатива „ЧЕ ВРЕДИ“, пред да го реализира проектот „Паркови за миленици“ ќе го реши претходното прашање со кучињата скитници, преку екипирање и акционен план на шинтерската служба. Акционен план кој вклучува заловување, чипирање, кастрација и стерилизација на кучињата од руралните средини кон градот. Преку таа активност ќе се изгради статистика за бројот на кучињата скитници и нивниот статус и ќе може да се следи трендот на нивното размножување и движење.

Преку изградба на современ стационар за заловување, чување и осовременување на трендот за посвојување на домашни миленици ќе можеме да ги раздвоиме кучињата скитници од домашните миленичиња и на таков начин граѓаните ќе имаат можност непречено да ги користат парковските површини наменети за домашни миленици и лична релаксација.

Од трошењата кои Општина Прилеп ги има кон жителите на Прилеп само по основ на надомест на нематеријална штета за напад и каснување од куче скитник и судските трошоци по тој основ, сите досегашни локални власти имале можност да изградат катчиња за домашни миленици на секоја зелена површина во градот и одамна да го решат прашањето со кучињата скитници.

За реално остварливо а не паушално ветување“, велат од ЧЕ ВРЕДИ.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи