ВИДЕО – Заев: Овие 80 години Прилеп беше и остана нашата авангарда, централната власт ќе го поддржи Прилеп како никогаш досега

Share on facebook
Facebook
Share on twitter
Twitter
Share on email
Email
Share on print
Print


Како за сите општини, така и за Прилеп го носиме најдоброто. Јас знам дека имаме дилема, избори се пред нас, остана уште малку и неизвесноста е голема, но Прилеп прв почувствува кога требаше и Прилеп прв дејствуваше кога требаше пред 80 години. Овие 80 години Прилеп беше и остана нашата авангарда. Истакна на денешниот митинг лидерот на СДСМ, Зоран Заев во Прилеп.

„Затоа слушајте ми го зборот, на крајот сепак победува најдоброто, а најдоброто овде кое сонце го огреа е Горан Сугарески за кандидат за градоначалник, доктор Моника Грашеска-Илиеска како носителка на советничката листа, со овие вкупно 27 прекрасни луѓе на листата на советници на СДСМ и коалицијата. Сепак на крајот победува најдоброто, запаметете и никогаш немој да заборавите.

Мојот другар Горан Сугарески како министер за транспорт и врски покажа како се работи чесно, одговорно и посветено, како се сака татковината. Со многу труд успеа да ги надмине последиците од криминалните договори на ВМРО ДПМНЕ за автопатите, успа да ги откочи проектите, да ги санира штетите и да ја забрза реализацијата. Целата држава ја претвори во огромно градилиште, се реконструираа и пробиваа бројни магистрални, експресни, регионални, автопатишта, сите по целата наша земја. Истото тоа мои драги прилепчани ќе го преслика и овде во Прилеп, да немате дилема дека се што е во неговата програма ќе биде реализирано, а за тоа секако поддршка ќе има и од централната власт и впрочем еве цела Влада денес овде во Прилеп.

Драги мои прилепчани, ви го давам зборот дека централната власт ќе го поддржи Прилеп како никогаш досега“, потенцираше Заев.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи