Неделков за дигитализацијата: Пред сѐ мора да се обезбедат еднакви услови за учење на сите ученици

Share on facebook
Facebook
Share on twitter
Twitter
Share on email
Email
Share on print
Print


Синдикатот за образование, наука и култура останува на ставот дека дигитализацијата е добра, но не целосно и не на начин на кој се спроведува во моментот. Првиот човек на СОНК, Јаким Неделков вели дека учебници мора да има бидејќи не сите деца имаат еднакви услови за учење.

Предупредува и дека ниту училиштата не се доволно опремени со технички помагала и интернет.

„Не во сите училишта имаат услови за спроведување дигитализација, односно учење преку дигитални уреди и апарати, таблети, лап-топи… Можеби има смарт-табли некаде, но тоа ми се чини е недоволно, ако учениците немаат пред себе каде да следат. Особено ми се чини дека најголем е проблемот што во домашни услови не сите ученици имаат услови тоа да го следат и учат. Од таа причина сметам дека учебници мора да има, учебници никој не смее да забрани да се користат и навистина тоа би било штета за секој ученик доколку не би имал услови за домашно учење. Во секој случај сметам дека дигитализацијата е добар начин за учење, напреден начин, меѓутоа мораме да повлечеме. Пред сѐ мора да се создадат услови за секое дете да ги има подеднакво условите за учење и на училиште и дома во однос на дигитализацијата, рече Неделков.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи