„Фејсбук“ најави отворање на 10 илјади работни места во Европа

Share on facebook
Facebook
Share on twitter
Twitter
Share on email
Email
Share on print
Print


Фејсбук најави дека во наредните години ќе отвори 10.000 нови работни места во ЕУ за висококвалификувани професионалци кои ќе помогнат во изградбата на „мета-верзум или мета-вселена”.

Метаверзум е онлајн свет каде луѓето можат да играат, работат и комуницираат во виртуелно окружување, најчесто преку користење на очила за виртуелна реалност.

Предводник на овој концепт е директорот и сопственик на Фејсбук, Марк Закерберг, а метаверзумот е еден од најголемите приоритети на компанијата, пишува Би-Би-Си.

Од Фејсбук посочуваат дека инвестирањето во ЕУ нуди голем број предности, меѓу кои и пристапот до голем потрошувачки пазар, првокласни универзитети и квалитетен талент.

„Освен технолошкиот талент што се појавува, ЕУ исто така има важна улога во формирањето на новите правила за Интернет. Европските креатори на политики го водат патот во вградувањето на европските вредности, како што се слободата на изразување, приватноста, транспарентноста и правата на поединците, во секојдневно работење на Интернет“, стои во соопштението од Фејсбук.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи