Поднесени 13 приговори до ДИК за гласањето и за сумирањето на резултатите од изборите

Share on facebook
Facebook
Share on twitter
Twitter
Share on email
Email
Share on print
Print


Државната изборна комисија (ДИК) досега добила вкупно 15 приговори во однос на првиот круг од локалните избори. Два приговора од опозициската коалиција предводена од ВМРО-ДПМНЕ се поднесени за прекршување на изборниот молк, додека останатите 13 приговори се однесуваат на постапката за гласање и за постапката за сумирање и утврдување на резултатите до Државната изборна комисија.

СДСМ има поднесено 4 преговори, ВМРО-ДПМНЕ 3 приговори, од Алијанса за Албанците и Алтернатива се поднесени 6 приговори.

Државната изборна комисија дополнително ќе закаже седница за разгледување и одлучување по приговорите, по што ќе се знае какви ќе бидат последиците по изборните резултати во овие општини.

До Комисијата 4 приговори поднела Коалицијата предводена од СДСМ. Едниот се однесува на избирачко место бр. 2121 во општина Јегуновце, а вториот на избирачко место бр. 2118 во општина Јегуновце. Останатите приговoри се за избирачкото место бр. 2587/1 во општина Ѓорче Петров и за избирачко место бр. 618 во општина Македонска Каменица.

Од Алијанса за Албанците и Алтернатива има шест приговари, за избирачкото место 0543 во општина Дебар и за избирачко место 2957/1 во општина Шуто Оризари. Два приговори се за општина Гостивар, за избирачките места 2975 и 406/1. Еден приговор се однесува на сумирање на резултатите за градоначалник на општина Гостивар и еден кој се однесува на сумирање на резултатите за членови на Совет на општина Гостивар.

Од Коалицијата предводена од ВМРО-ДПМНЕ поднесени се три приговори, за избирачкото место бр. 2844 во општина Центар, за избирачко место бр. 1470 во општина Долнени и за избирачко место бр. 2447 во општина Сарај.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи