Светски ден на јаболкото – едно од најпогодните овошја за здрави бели дробови

Share on facebook
Facebook
Share on twitter
Twitter
Share on email
Email
Share on print
Print


Денес е Светски ден на јаболкото.

Македонија е држава која што има идеални услови за одгледување на разни сорти на јаболка. Јаболкото во Македонија зазема 60% од целокупното производство на овошје, а Преспа учествува со околу 90% од тоа производство.

Јаболкото нема голема енергетска и калорична вредност. Тоа е едно  од најпогодните овошја за држење на различни диети.

Најважни состојќи кои се наоѓаат во јаболката, а се корисни за организамот се:

  • растителни влакна и растителни масти
  • витамин А, Б, Ц
  • железо и етерични масла
  • калциум, калиум, натриум, магнезиум, каротин
  • пектин, протеини, сулфур
  • целулоза
  • шеќер (фруктоза и глукоза)
  • олиго елементи

Исхрана

Јаболкото се користи во различна исхрана. Од него се прават слатки, сокови, џемови, јаболков оцет и познатата јаболкова ракија.

Лесно се вари во желудникот, се препорачува да се конзумира свежо, но при подготовка на компоти и други производи од јаболка, да се избегнува неговото долго варење, бидејќи што посвежо јаболкото ги задржува повеќе од своите активни елементи и е покорисно за здравјето. Тоа содржи многу антиоксиданти и е ефикасно против бактерии и вируси, велат експертите.

Јаболкото е навистина делотворно и многу корисно овошје. Се смета дека сите кои редовно го користат јаболкото имаат долг живот здраво тело, а пред се здрави бели дробови.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи