МВР: Лични карти можат да се подигнат и во сабота и недела (30 и 31.10 октомври)

Share on facebook
Facebook
Share on twitter
Twitter
Share on email
Email
Share on print
Print


Во пресрет на одржување  на вториот круг  од  Локалните  избори  што ќе се одржи во недела на 31 октомври 2021 година, Министерството за внатрешни работи  известува дека и во сабота и недела управните служби ќе работат во општините каде што ќе  има гласање  во  втор  круг со цел да им се излезе  во пресрет на граѓаните да може да ги подигнат личните карти.

Одделот за граѓански работи, односно отсеците за управни работи на оваа  организациона  единица  при  МВР – Куманово, Велес, Охрид и Тетово со сите подрачни единици во нивни состав  на 30.10.2021 година ќе работат  на прием и издавање на лични карти со редовно работно  време од 08.00 до 16.00 часот.

Од подрачните единици на Отсекот за управни работи Штип  ќе работат  следните подрачни единици: Кочани, Берово, Делчево, Пробиштип и Свети Николе.

Од подрачните единици на Отсекот за управни работи Битола ќе работат  следните подрачни единици: Битола, Ресен, Демир Хисар и Македонски  Брод.

Од подрачните единици на Отсекот за управни работи Струмица ќе работат следните подрачни единици: Струмица, Гевгелија и Радовиш.

Истовремено и Одделението за управни работи Скопје само во објектот на МРТВ на 30.10.2021 година (сабота) ќе работи на прием и издавање на лични карти со редовно работно време од 08.00 до 16.00 часот.

Во недела, пак, на 31.10.2021 година сите наведени надлежни  организациони единици ќе работат само на издавање на изготвени лични карти за граѓаните со работно време од 07.00 до 19.00 часот, вклучувајќи ги и дисперзираните пунктови во ОУР Скопје (Ѓорче Петров, Беко, Бутел и Драчево).

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи