Потпишани договори за стипендии за деца со попреченост во Центарот за социјална работа – Прилеп

Share on facebook
Facebook
Share on twitter
Twitter
Share on email
Email
Share on print
Print

Денес во Меѓуопштинскиот центар за социјална работа – Прилеп беа потпишани договори за стипендии за деца со попреченост во рамките на проектот “Биди ИН, биди ИНклузивен, биди ИНклудиран” спроведуван од Фондацијата за образовни и културни иницијативи “Чекор по чекор” Скопје, Здружение за промоција и развој на инклузивни општество Инклузива и Здружение за давање на услуги на лицата со попреченост Хандимак.

Стипендијата се доделува по втор пат за ученици со попреченост во прво одделение. Вкупно ќе бидат доделени 150 стипендии на национално ниво. Минатата година беа доделени вкупно 322 стипендии за деца со попреченост кои посетуваат редовна настава во прво и второ одделение. Во Прилеп минатата година беа евидентирани 16 стипендисти, а оваа година корисници на стипендијата ќе бидат  9 ученици во прво одделение.

Поддршката на децата со попреченост и градењето на инклузиво општество треба да биде императив на нашата држава, а во таа насока граѓанските организации активно делуваат за да обезбедат дополнителна советодавна и финансиска поддршка со цел да се овозможи еднаков пристап и поквалитен живот.

Оваа иницијатива е успешна приказна во нашата држава за улогата на граѓанскиот сектор за инклузија и еднакви права на децата со попреченост, како и повик за заедничка соработка на јавниот и граѓанскиот сектор за инклузивно општество.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи