Еуростат: 35 % од населението во Македонија е под ризик на сиромаштија

Share on facebook
Facebook
Share on twitter
Twitter
Share on email
Email
Share on print
Print


Македонија е меѓу земјите со висок ризик од изложеност од сиромаштија, каде повеќе од една третина од населението се под тој ризик (околу 35 %), покажуваат податоците на Статистичката агенција на ЕУ – Евростат за 2020 година.

Податоците на Евростат се однесуваат на земјите-членки на Европска унија, Европската економска област и земјите од Западен Балкан.

Најлошо рангирана земја од регионот е Албанија каде над половина од населението (51 %) било изложени на ризик од сиромаштија или социјална исклученост.

По Албанија следат Црна Гора со 40 отсто од популацијата, па Турција со 38 проценти и Македонија со околу 35 проценти од населението изложено на ризик од сиромаштија.

Под ризик од сиромаштија се подразбираат домаќинства кои се соочуваат со тешка материјална и социјална ранливост, не можат да си дозволат одредени материјални работи или социјални активности или имаат многу низок интензитет на работа, ниво на образование и друго.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи