Маричиќ: Очекуваме наредната недела да излеземе со конкретен план како ќе функционира Владата

Share on facebook
Facebook
Share on twitter
Twitter
Share on email
Email
Share on print
Print


Министерот за правда и функционер на СДСМ, Бојан Маричиќ, од следната недела најавува конкретен план за тоа како ќе функционира Владата по оставката на премиерот Зоран Заев.

„Неблагодарно е да се зборува додека траат консултациите со коалиционите партнери и внатрепартиските консултации. И денеска ќе има серија на средби, а очекуваме од идната недела да излеземе со конкретен план, затоа што е важно и за граѓаните и за државата. Нас ни е приоритет да се зачува парламентарното мнозинство, бидејќи тоа е и волја на сите коалициони партнери и да ја најдеме, секако, најдобрата формула како да продолжи да функционира Владата во овој момент.

Денеска ќе има сериозна серија на средби, ќе се прави оценка на одговорноста на Централниот изборен штаб и на останатите нивоа, а потоа ќе се договориме што ќе следи во смисла на поднесување одговорност“, рече Маричиќ.

Во врска со тоа дали тој ќе биде следниот мандатар на Владата, Маричиќ вели дека е само шпекулација.

„Тоа е шпекулација, ниту сум разговарал, ниту некој ме прашал, ова освен да го означам како шпекулација ништо друго не можам да кажам“, рече Маричиќ.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи