Реџепи: Мирен, со чиста совест, самоволно се засолнив на денот на гласање доверба на владата

Share on facebook
Facebook
Share on twitter
Twitter
Share on email
Email
Share on print
Print


Пратеникот Кастриот Реџепи не се појави во четвртокот кога беше закажана седницата за гласање доверба на владата.

Тој беше потпишан на иницијативата за гласање на недоверба, но по неколку часа откако не се појави во Собранието, објави видео на Фејсбук во кое рече дека нема да дојде да гласа во Собранието.

Потоа партијата Беса, чиј член беше Реџепи, го исклучи од партијата.

„Мирен со чиста совест и сигурен дека нема поголема доблест да избереш својата земја да ја водиш на патот на заедништвото, патот на НАТО и ЕУ. Во интерес на својата земја самоволно се засолнив на денот на гласање доверба на владата со цел земјата да не замине по патот на назад“, изјави Реџепи.

Реџепи, на прес-конференција им честита на сите граѓани за тоа што, како што рече, земјата уште еднаш го избрала вистинскиот, западниот пат по кој оди.

„Се надевам дека во деновите кои следат разумот ќе надвладее. Верувам дека се можни мостови и јас верувам дека ќе бидам еден од тие мостови. Сега е потребно решавање на проблемите на државата“, порача Реџепи.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи