Денеска ширум светот се одбележува Меѓународниот ден на предвремено родените бебиња

Share on facebook
Facebook
Share on twitter
Twitter
Share on email
Email
Share on print
Print


Денеска е Меѓународен ден на предвремено родените бебиња.

Овој ден за прв пат беше одбележан на 17 ноември 2009 година, како резултат на меѓусебната соработката на фондацијата March of Dimes (САД) и Европската фондација за грижа на новороденчињата, која е преставник од 20 држави на стариот континент.

Виолетовата боја стана симбол за одбележување на овој ден и претставува чувствителност и внимание.

Според статистиката на Светската здравствена организација (СЗО), во светот секоја година се раѓаат 15 милиони предвремено родени бебиња.

Целта на одбележувањето на овој ден е да се привлече вниманието на јавноста кон глобалниот проблем со предвременото раѓање, кој е водечка причина за смрт на доенчиња во развиените и неразвиените земји.

Предвремено родени бебиња се бебиња родени пред 37-та недела од бременоста, обично многу мали и неразвиени, со тежина помала од 2.500 грама.

Причината за толку многу предвремени породувања сè уште не е целосно разбрана. Сепак, она што е познато е дека медицинската нега е исклучително важна во овој период.

Континуираната едукација на здравствените работници и родителите и обезбедувањето навремени услуги во областа на раната интервенција е единствениот начин да се подигне квалитетот на животот на предвремено родените бебиња и нивните родители.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи