Треба да остане тој министер што покажал резултати, вели Филипче за најавената владина реконструкција

Share on facebook
Facebook
Share on twitter
Twitter
Share on email
Email
Share on print
Print


Министерот за здравство Венко Филипче смета дека во новата влада треба да остане секој кој се пронаоѓа во министерската позиција и покажал резултати.

На прашањето дали очекува тој да биде дел од новата влада, Филипче одговори:

„Tреба да работи и да остане тој кој се пронаоѓа себе си во министерската позиција без разлика за кој ресор станува збор и тој што покажал резултати, а тие резултати се евидентни. Одлуката ја носи премиерот така што не се оптеретувам со тој дел“, вели Филипче.

Вчера, вицепремиерот за економски прашања Фатмир Битиќи најави дека наскоро ќе има трета влада предводена од Зоран Заев и смета дека треба да има одредени кадровски промени меѓу министрите.

„Сметам дека ќе добиеме наскоро нова влада ‘Заев 3’, дали се тоа двајца, тројца, пет или седум министри што ќе се сменат. Сметам дека Заев ќе остане на неговата лична одлука за повлекување. Треба да има реконструкцијата на владата, без оглед дали ќе влезе нова партија или ќе остане истото мнозинство, сметам дека треба да има одредени промени на кадрите“, изјави Битиќи.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи