Нова песна насловена како „Врие Македонец“ и цел нов албум ни подготвува хип-хоп колективот Чиста Околина, кои се вратија на сцената по 25 години од култното деби „Новиот аспект на старата школа“ и го издадоа повратничкиот албум „Avant-garde Fatiguee“.
На „Врие Македонец“, Чиста Околина ги придружуваат Кацар и Вена, а миксер и продуцент на песната е Драги Иванов, кој свири и гитара. Наскоро ќе излезе и видео-спот за синглот, во режија на Иван Солунчев.
