Од 1 декември кесите во маркет ќе чинат 15 денари

Share on facebook
Facebook
Share on twitter
Twitter
Share on email
Email
Share on print
Print


Според последните измени во законите за управување со пакување и отпад од пакување во Македонија од идната недела ќе се забрани употребата на пластичните кеси.

По 15 денари ќе чини ќеса за пазарење во маркетите и продавниците, од среда, 1 декември, согласно со новиот Закон за управување со пакување и отпад од пакување. Досега, продавниците наплаќаа од 1 до 10 денари за ќеса за пазарење. Исто така, од среда за првпат се воведува и забрана за еднократна употреба на пластично пакување во заштитените подрачја.

Надоместокот од 15 денари за биоразградливи ќеси ќе мора да биде евидентиран и пренесен во посебен фонд на Министерството за животната средина и просторно планирање.

Производителите на пластични кеси велат дека со ваквата одлука тешко ќе го задржат бизнисот и вработените, и дека со ваква цена потрошувачката драстично ќе се намали.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи