Комуна: Работиме на посолување и попесочување, во согласност со нашите ресурси

Share on facebook
Facebook
Share on twitter
Twitter
Share on email
Email
Share on print
Print

Ве известуваме дека од рано утрово започнавме со посолување и попесочување на улици, пристапи и јавен простор со цел безбедно движење. Голем број на повици и информации доаѓаат до нас, но ги известуваме граѓаните дека сме на терен и ќе ги покриеме сите улици, повторно водејќи се според Програмата за организирање и функционирање на зимско одржување на улици и општински патишта на подрачјето на општина Крушево за сезоната 2021/2022, велат од „Комуна“ Крушево.

„Свесни сме за потребите за кои не известуваат граѓаните, но со ресурсите со кои располагаме, механизација и човечки ресурси, го даваме максимумот. Работиме и ќе успееме да си ја завршиме нашата работа. Се заблагодарувам на граѓаните за разбирањето и трпението.“, изјави ВД директорката на „Комуна“ Станка Ефремова Трајкоска.

Според погоре наведената Програма сопствениците на претпријатија се должни да преземат мерки за чистење на снегот и голомразицата пред своите објекти.

„Граѓани односно сопственици, преземаат мерки за чистење на снегот од покривите, терасите при што се води сметка за безбедноста на минувачите, надворешните инсталации и сообраќај. Исчистениот снег се собира пред зградите и објектите на начин што обезбедува непречен сообраќај.“, стои во Програмата за организирање и функционирање на зимското одржување на улици и општинските патишта на подрачјето на
Општина Крушево за сезоната 2021/2022 година.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи