Во Прилеп деновиве започна голема акција за чистење на дивите депонии во околината на градот. Денешната акција се одвиваше на потегот од влезот од Битола па се до клучката кај Лук Оил.
„Оваа акција е организирана од страна на градоначалникот на Прилеп, во соработка со јавните комунални претпријатија ЈКП „Комуналец“ и ЈКП „Водовод и Канализација“ и со помош на градежната оператива од Прилеп. Оваа акција има за цел да направи почист град и да се исчистат дивите депонии. Додека во светот сите го селектираат ѓубрето и се залагаат за помалку смет и ние треба да придонесеме за почиста срредина за нас и нашите поколенија. Воедно би упатил и апел до граѓаните на Прилеп да ги користат услугите на ЈКП „Комуналец“ за депонирање на каков било отпад бидејќи со тоа ја зачувуваме нашата средина чиста“, истаккна Рубин Абрашоски, дииректор на ЈКП „Комуналец“ – Прилеп.
