МАЛМЕД: Две пријави за сомнеж од смртен исход по примена ковид вакцина

Share on facebook
Facebook
Share on twitter
Twitter
Share on email
Email
Share on print
Print


Двајца лекари во Агенцијата за лекови и медицински средства МАЛМЕД пријавиле сомнеж дека нивни пациенти починале после вакцинација против ковид во земјава, потврди раководителката во МАЛМЕД Меријем Хаџихамза на брифинг со новинарите. И двете пријави се доставени во различен временски период.

Станува збор за случајот на 53-годишен пациент кој примил вакцина на „Фајзер“, пријавен во април и 85-годишник имунизиран со „Астра зенека“ во септември.

Ова засега се само сомневања кои допрва треба да се утврдуваат преку синџир на анализи кои треба „под лупа“ да го стават и медицинскиот профил на пациентот, од што боледувал и какви лекарства земал, како што истакна раководителката во Агенцијата за лекови Мерјем Хаџихамза, која заедно со првиот човек на МАЛМЕД, Љирим Шабани, оствари онлајн средба со новинарите.

Кај секој лек и вакцина постои ризик од несакана последица, а надлежните нагласуваат дека вакцините против ковид-19 спасуваат животи со тоа што го намалуваат ризикот за хоспитализаиција и смрт. Од вкупниот број на починати од ковид-19 во последните четири месеци, околу 80 отсто не биле вакцинирани, според анализите на Министерството за здравство.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи