Одобрени инвестиции за соларни електрани вредни 116 милиони евра; Донесена Стратегијата за здравство 2021-2030

Share on facebook
Facebook
Share on twitter
Twitter
Share on email
Email
Share on print
Print


Владата на Република Македонија на вчерашната 125-та редовна седница донесе одлука за утврдување статус на стратешки инвестиционен проект на Друштво за производство, трговија и услуги „РИНУАБЛ ПАУЕР ИНТЕРНАТИОНАЛ ДООЕЛ Скопје”, односно за инвестиција на фотонапонска електрана со јачина од 85 мегавати.

Соларната електрана на стратешкиот инвеститор вредна 63 милиони евра ќе биде изградена во атарот на Долни Балван, Општина Карбинци.

На вчерашната седница Владата донесе уште една одлука за утврдување стратешка инвестиција за компанијата „ХЕК СОЛАР МК ДООЕЛ Скопје”, којашто ќе инвестира во изградба на фотонапонска електрана со јачина од 70 мегавати и со вредност од 53 милиони евра.

„ХЕК СОЛАР МК” соларната електрана ќе ја гради во Општина Пехчево.

Владата ја разгледа и усвои Информацијата и го прифати барањето на Стопанската комора на Република Македонија да издвои износ од 18.600.000,00 денари од Ковид програмата како финансиска поддршка за имплементација на современи дигитални софтверски решенија во рамки на поддршката на компании од информатичко-компјутерската технологија како заедничка акција на јавниот и приватниот сектор.

На предлог на Министерството за здравство, Владата ја донесе Стратегијата за здравство на Република Македонија 2021 – 2030 година со Акциски план.

Низ транспарентен и инклузивен процес при нејзината подготовка, земена е предвид агендата на ЕУ за ефективни, ефикасни и достапни здравствени системи и при што, меѓу другото, беа идентификувани три клучни прашања:

  • Поддршка за зајакнување на ефективноста на здравствените системи, што опфаќа успешност на здравствениот систем, квалитет и безбедност на здравствената заштита и интегрирањето на здравствената заштита на сите нивоа;
  • Зголемување на достапноста до здравствената заштита, со фокус врз здравствената работна сила. Заложбите за планирање треба да осмислат одржливи решенија на ниво на ЕУ со кои ќе се обезбеди доволен број на соодветно квалификувани здравствени работници со вистинските вештини потребни за давање на здравствената заштита на сите на кои им е потребна; и
  • Подобрување на здравствените системи и улогата на е-здравството, проценка на здравствената технологија и здравствените информатички системи.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи