МЗ: Ревакцинирани се 48 % од полнолетните граѓани во државата

Share on facebook
Facebook
Share on twitter
Twitter
Share on email
Email
Share on print
Print


До 14 декември, во нашата држава вкупно се вакцинирани 838 987 граѓани, ревакцинирани се 810 990, а трета доза од вакцината против ковид-19 примиле 86 266 граѓани. Ова значи дека вкупно аплицирани се 1 736 243 дози вакцини, се вели во најновиот извештај на Министерството за здравство.

Овие податоци покажуваат дека со две дози вакцинирани се 48 % од граѓаните, додека 57 % од граѓаните над 40 години се ревакцинирани.

„22 % од вакцинираните граѓани постари од 60 години примиле трета доза вакцина. Опфатот со една доза вакцина на полнолетната популација е 50 %. Вакцинацијата се одвива непречено на сите пунктови низ државата, а во тек е и теренска вакцинација“, велат од МЗ.

Оттаму потсетуваат дека вакцините се безбедни и ефикасни и се единствениот начин да се победи пандемијата, како и дека само со комплетна вакцинација се спречува тешка форма на болеста и се намалува шансата од заболување како и смртен исход од болеста.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи