Во движење се запалил автомобилот на претседателот на Стопанската комора за енергетика на Македонија и изгорел за 3 минути

Share on facebook
Facebook
Share on twitter
Twitter
Share on email
Email
Share on print
Print


Во возење се запалил автомобилот на претседателот на Стопанската комора за енергетика, Ѓорѓи Манасков. Тој патувал со сопатник, а пожарот настанал кога стигнал кај обиколницата во близина на Визбегово кон Скопје Север. Информацијата синоќа ја објави Стопанската комора за енергетика на Македонија преку Фејсбук.

Брзата интервентна полиција, која беше во близина и Противпожарната екипа, која веднаш реагира, не успеа да го изгасне возилото ‘мерцедес С200’, во црна боја, кое целосно изгоре за неполни 3 минути. Патниците се здрави и живи“, информираа од Стопанската комора за енергетика.

Од МВР потврдуваат дека излегле на терен по пријава за пожар на автомобил.

„На 21.12.2021 во 21.14 часот во СВР Скопје било пријавено дека на обиколницата, во близина на клучката „Мирковци’, настанал пожар во патничко возило во движење ‘мерцедес’, со скопски регистарски ознаки, сопственост на Ѓ .М. (48) од Скопје. Пожарот бил локализиран од екипа на Бригадата за противпожарна заштита Скопје, а повредени лица нема. Увид бил извршен“, соопштија од МВР.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи