Вечерва гостувајќи во „Само Вистина“ на Канал 5, запрашан за новиот мандатар, претседателот Стево Пендаровски истакнува дека тој мора да добие официјално име и презиме од партијата за да одлучи за таквата позиција.
„Не можам да го дадам мандатот на СДСМ како партија. Мора да име име. На кого да го дадам така, на економот таму на „Бихаќка“? Јас морам да знам кому го давам, конкретно на кој човек, вели Пендаровски.
Пендаровски додава дека предавањето на мандатот ќе се случи следната недела.
„Тоа ќе се случува во текот на следната недела. Имам информации дека во понеделник навечер ќе има интерни партиски процедури, каде ќе бидат дефинирани некои одлуки. Вторник или среда би требало да биде предавањето на мандатот. Потоа мандатарот ќе има 20 дена за да формира влада, до кај средината на јануари“, информира Пендаровски.
