Божиќна честитка на бискупот скопски и струмичко-скопски епарх Киро Стојанов

Share on facebook
Facebook
Share on twitter
Twitter
Share on email
Email
Share on print
Print


Бискупот скопски и струмичко-скопски епарх, Киро Стојанов упати честитка по повод празникот Божиќ, што утре го слават граѓаните со католичка вероисповед.

„Денес во градот Давидов ви се роди Спасител – Христос, Господ. И ова ќе ви биде знак: ќе најдете повиен Младенец, кој лежи во јасли“ (Лука 2,11-12).

Повеќе од две илјади години одекнува во светот оваа порака што ангелот им ја соопштил на пастирите додека ги чувале своите стада под ведро небо во витлиеемските полиња. Пастирите го слушнале овој повик, поверувале и се упатиле кон шталата, место каде што се родил Спасителот. Пастирите биле способни да веруваат и да се восхитуваат. Тие со широко срце ја прифатиле пораката за Божјата спасителна љубов. Преку нив ангелите му објавуваат мир на светот, мир што според Младенецот, кнезот на мирот, треба да владее на земјата. Мирот им е ветен на сите луѓе со добра волја, бидејќи како Божји миленици се наоѓаат во неговата благодат.

Нека и на сите нас, ако сме со добра волја, ангелите со својата песна за Божик ни ги исполнат со мир и радост нашите срца. Каде што има добра волја, таму има мир, има радост и задоволство, таму е Господ со своите ангели, таму е свет и благословен Божик. И само таков Божик би му посакал на целиот христијански свет: Божик од небото, Божик со Исус, Божик со сите радости!

Среќен Божик и неизмерен Божји благослов во Новото Лето Господово! Христос се роди“, стои во Божиќната честитка на бискупот скопски и струмичко-скопски епарх, Киро Стојанов.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи