Британската банка Сантандер исплатила вкупно 130 милиони фунти (175 милиони американски долари) на клиентите по грешка на 25 декември.
Вкупната исплата е поделена на 75.000 трансакции за околу 2.000 корпоративни и комерцијални клиенти, се вели во соопштението на Сантандер објавено во четвртокот.
„Жал ни е што поради технички проблем, некои плаќања од нашите корпоративни клиенти беа неправилно дуплирани на сметките на примачите“, се вели во соопштението од банката.
Од банката нагласиле дека веќе почнале разговори со други банки кои ќе се обидат да ги вратат парите од сметките на нивните клиенти. Не е јасно како ќе постапат банките во случај нивните клиенти веќе да ги имаат потрошено парите.
