Поранешната специјална јавна обвинителка Катица Јанева празниците ги минува дома со своето семејство.
Во изјава за А1 ОН адвокатката на Јанева, Ирена Фрчковска, изјавила дека Јанева користи привилегии поради тоа што одлежала 1/3 од казната затвор за случајот „Рекет“.
Јанева од затворот излегува првпат по нешто повеќе од пет месеци, кога од домашен притвор беше спроведена на издржување на затворската казна. Таа е осудена на 7 години затвор, а во казната и се засметани деновите поминати во притвор и домашен притвор кои ги одлежа додека траеше судскиот процес.
Во случајот „Рекет“ осудени се и Бојан Јовановски на казна затвор од девет години и Зоран Милевски на казна затвор од три години.
