Кај 9 пациенти е откриено присуство на новиот сој на Ковид-19, омикрон. Осум се од Скопје и еден од Кочани, со ова, бројот на дијагностицирани пациенти со омикрон во Македонија се искачи на 10.
„Во лабораторијата изработени се 24 примероци позитивни на SARSCoV2, примероците се од пациенти од Скопје, Кочани, Велес, Гевгелија и Богданци. Од вкупниот број тестирани, кај 9 пациенти, детектирана е Омикрон варијантата на вирусот, што изнесува 37,5% од позитивните примероци“, истакна Министерството за здравство.
Од оние информации што засега се познати околу новиот сој е дека Омикрон се шири многу побрзо од претходните соеви, но добра вест е што трае само неколку дена и се манифестира со лесни симптоми.
