ВИДЕО – Во Крушево вечерва се одржа уникатниот настан „Дева“ со кој се најавува Христовото раѓање

Share on facebook
Facebook
Share on twitter
Twitter
Share on email
Email
Share on print
Print


По 9-ти пат во Крушево во организација на СОУ „Наум Наумоски – Борче“ се одржа манифестацијата насловена „Дева“ со која се најавува Христотово раѓање. Крушево е единствениот град во Македонија каде вечерва за Коледе не се палат Коледарски огнови, туку Божик се најавува токму со оваа манифестација, која тука опстојува со векови. Куриозитет е тоа што освен во Крушево вака овој ден, единствено во целиот свет, се одбележува уште само на неколу други места и Витлеем, во Израел, каде според преданието на црквата и е роден Исус Христос. Во манифестацијата „Дева“ учествуваат исклучиво млади момчиња, кои ја носат црвената Давидова ѕвезда шетаат низ Крушевските улици и ја пејат песната „Дево Дејане“, одат од куќа на куќа, а домаќините ги даруваат со пари.

„Овој празник има за цел да го одржи развојот на туризмот и наталитетот во Крушево, наталитетот се одржува преку шетањето со ѕвездата на машките деца и наговестувањето на раѓањето на Исус Христос, а исто така тие се дарувани со парични награди од крушевчани, а потоа тие парични средства ќе бидат наменети за првото родено бебе во Крушево помеѓу двете Деви“, истакна Марта Штерјоскка, ученик во СОУ „Наум Наумоски – Борче“.

Оваа манифестација со текот на годините прерасна во вистинска туристичка атракција, така што овој настан го посетуваат и гости од околните градови. Овој обичај во Крушево го донесле печалбарите кои се враќале од Русија.

„Машки деца одат во своите парохиски цркви земаат благослов од својот парохиски свештеник и шетаат со црвената Давидова ѕвезда низ крушевските улици и куќи, а домаќините ги даруваат ѕвездоносците. Тие шетаат со пеејќи ја песната „Дева днес“, кондакот на рождеството христово. Така што овој празнуик е уникатен за Крушево и крушевчани, порано било многу помасовно ова одбележување, но сепак традицијата се одржува ии понатаму“, рече Сотир Марккоски, ученик во СОУ „Наум Наумоски – Борче“.

Во оваа организација на манифестацијата освен СОУ „Наум Наумоски – Борче“ учествуваат и здруженијата за развој и поддршка на туризмот, здружението „Крушевска жена“, угостителите и изработувачите на традиционални ракотворби.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи