На Василица во Прилеп – сите граѓани се поканети на платото кај Саат Кулата

Share on facebook
Facebook
Share on twitter
Twitter
Share on email
Email
Share on print
Print


Во организација на Општина Прилеп на 13.01.2022, на платото кај Саат Кулата ќе се одбележи доаѓањето на Новата година според јулијанскиот календар.

„Воочи големиот православен празник Свети Василиј, меѓу народот познат како Стара Нова година, Општина Прилеп ги поканува  граѓаните во периодот од 11.00 до 13.00 часот да дојдат на плоштадот кај саатот и да се почестат со парче бурек, варено вино или чај, кои ќе бидат поставени на места специјално подготвени за таа намена.

Производите што ќе се делат се обезбедени од страна на неколку општествено одговорни компании: Пекара Џулијано, Фурна Маја, Фурна Алекс и Винарија Пирган, Ресторан Стара Чаршија.

Голем број македонски семејства Василица ја празнуваат како домашна слава, а оние кои го носат името на Свети Василиј Велики го слават својот именден. На овај ден традиционално се дели и пита со паричка, а на онај што ќе му се падне паричката се верува дека ќе биде среќен во текот на целата година“, велат од Општина Прилеп.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи