За 10 дена граѓаните платиле 1 милион евра за тестови во приватните клиники

Share on facebook
Facebook
Share on twitter
Twitter
Share on email
Email
Share on print
Print


Тестови на државно ниту за лек, граѓаните повторно плаќаат на приватно за да проверат дали се ковид-позитивни. Во првите десет дена од годинава биле направени вкупно 67.534 теста во државните и во приватните болници и лаборатории низ земјава. Од нив само 7.319 теста биле направени на државно, а 28.290 на приватно. Преостанатите 31.925 се брзи тестови кои се направени во јавното и во приватното здравство

Недостигот на тестови повторно е проблем и покрај ваквото искуство од минатата година. Наместо да чекаат со денови, граѓаните неретко одлучуваат да платат и до 2.000 денари за ПЦР-тестирање. Исто така матичните лекари кубурат со време за прегледи и алармираат дека има многу болни, што значи дека бројката секој ден расте, како и потребата за тестирање на граѓаните.

Од почетокот на годинава досега во приватните болници и лаборатории се направени 28.290 ПЦР-тестови. За таа услуга граѓаните платиле речиси 700 илјади евра. Во приватните болници и лаборатории цената за тестирање е различна и варира од околу 1.400 до над 2.000 денари. За брзите тестови се плаќа во просек по 1.000 денари, а за ваков вид тестирање на приватно граѓаните платиле 15.962.000 денари, или 260 илјади евра.

Кога ќе се вкупната сума се доаѓа до тоа дека за само десет дена за ПЦР и за брзи тестови граѓаните на приватно платиле околу еден милион евра.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи