Брус Спрингстин, со заработка од 590 милиони долари е прогласен за најплатен музичар за 2021 година, објави списанието „Ролинг стоун“.
Најголем дел од заработката е од продажба на своите песни и авторските права на „Сони мјузик“, договор кој беше проценет на 550 милиони долари и тоа воедно претставува најголема продажба што еден музичар некогаш ја остварил.
Дискографијата на која сопственик стана „Сони“ вклучува 20 албуми од Спрингстин, 300 песни, 23 плочи во живо и уште многу други работи, меѓу кои и хитовите како „Born to Run“, „The River“ и „Born in the USA“.
Претходно слични вакви договори имаа потпишано и Боб Дилан, групата „Блонди“ и Дејвид Боуви.
