Бугарскиот премиер Кирил Петков на денешното обраќање во бугарскиот парламент истакна дека македонските бугари ќе влезат во Уставот на Северна Македонија, за што уверување добил од македонскиот премиер Ковачевски.
„Димитар Ковачевски е премиер на Северна Македонија осум дена и помина четири од нив со нас. Тој рече дека не гледа проблем со вклучување на Бугарите во нивниот Устав, не кажа време, но го најави. Тоа е важно што Ковачевски го кажа затоа што постои политички ризик со нивната опозиција“, истакна Петков.
Тој додаде дека во моментов се разговара за рокот и увери дека бугарскиот интерес ќе биде заштитен.
Во врска со темата за македонско малцинство во Бугарија, бугарскиот премиер потенцира дека таа тема нема да биде отворена.
Петков притоа го најави заедничкото чевствување и прослава на 150-годишнината од раѓањето на Гоце Делчев, што го договориле заедно со Ковачевски.
