ССМ: Ако не се прифати нашето барање одиме на генерален штрајк

Првиот синдикалец Дарко Димовски денес повторно нагласи дека доколку не се прифати нивното барање за минималната плата да изнесува 18.000 денари, ќе стапат во масовен штрајк.

Дојдете со нас и поминете го месецот со 15.200 ден., ги повикаа синдикатите работодавачите и побараа скалесто покачување на платите и почитување на Синдикатот.

„Минимална плата од 18 000 денари, скалесто зголемување на сите останати плати, како и регрес за сите вработени во јавниот сектор. Од ова нема отстапка“, рече Димовски.

ССМ најавува и дека ќе ги објавува со име и презиме сите пратеници кои нема да гласаат за Законот за измени на Законот за минималната плата.

„Секој еден пратеник ќе биде јавно објавен. Наредните избори се за две години и не знам како тие пратеници ќе се чувствуваат когаќе го слушнат нивното име и презиме и ќе се каже дека тој пратеник не кренал рака за покачување на платите на сите работници во државата“, рече Димовски.

За денес е најавен предупредувачки протест со блокирање на улицата пред седиштето на ОРМ и Стопанската комора на Македонија.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи