Шумската полиција од Прилеп попладнево кај селото Слепче заплени возило шкода фелиција натоварено со еден метар просторен нелегално исечени дрва, а во близина на возилото биле откриени уште 3 метри просторни нелегално исечени дрва од истиот сторител. Инаку поради тоа што нема возило шумската полиција од Прилеп започна да излегува на терен со сопствени возила.
Дрвокрадецот кога ги забележал ја оставил колата и дрвата и избегал. Запленетото возило и дрвата се предадени во „Црн Бор“, а ќе била поднесена и пријава против непознат сторител.
