ШПС Прилеп во соработка со ШПС Крушево кај прилепското село Беловодица, во близина на манастирот, денеска пронајдоа 8 метри просторни нелегално исечени дрва. Дрвокрадци на терен не се видени. Нелегално исечените дрва најверојатно биле наредени и само се чекало погоден момент тие да бидат транспортирани од страна на дрвокрадците во Прилеп.
Одземените дрва ќе бидат пренесени во Крушево, во подружницата на Македонски Шуми – „Липа“, затоа што во недела не работи подружницата на Македонски Шуми во Прилеп – „Црн Бор“, каде најчесто се складираат нелегално одземените дрва.
