Го откорнале металниот прозорец од олтарот и ја ограбиле црквата во с. Дабница, ограбена е и трпезаријата


Непознати сторители вчера го откорнале металниот прозорец од олтарот на црквата во селото Дабница кај Прилеп и ја ограбиле. Земен бил прозорецот, метални предмети и пари кои биле во храмот. Освен црквата крадците ја уништиле и трпезаријата, го искршиле фрижидерот, а од таму ги украле сите лажици, виљушки, ножеви и чаши. Украдено е и металното лавабо, како и металните плочи од големиот шпорет за готвење. Искршена и украдена била и влезната метална врата на една помош просторија до трпезаријата.

На 1 април, непознати сторители нелегално ги исекоа багремовите дрва кои се наоѓаа во дворот на црквата, а кои беа стари по 20-тина години.

Жителите на Дабница се крајно револтирани, велат дека се плашат за својот имот и обвинуваат дека институциите не преземаат буквално ништо за спречување на овие кражби. Бараат итна реакција на надлежните, полициски патроли во селото и поголема заштита на нивните имоти.

 

 


Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи