Успешна еко акција во Крушево за собирање на отпад во рамки на „Генералка викенд“


Денеска во Крушево се спроведе успешна еко акција за собирање на отпад во рамки на „Генералка викенд“. Акцијата ја предводеа младите од ООУ „Никола Карев“ и СОУ „Наум Наумовски Борче“, а учествуваа и вработените во општина Крушево, советниците, Комуна и волонтери.

„Оваа активност е во насока на подигнување на свеста за заштита на животната средина и соработката помеѓу комуналното претпријатие и граѓаните. Се надеваме на долгорочно чување на овие места од аспект на чистота“, велат од „Комуна“.

Се чистеше кај:  Детско игралиште на Гумење, спортски центар „Езеро“, околината на споменикот Питу Гули и кај „Кај клупата“. Во акцијата се собраа околу 30 вреќи отпад, од кој најмногу пластика.

„Да ги зачуваме овие места чисти како што се денес после акцијата. Крушево е наша иднина и ние сме одговорни за тоа. Благодарам на сите што се вклучија”, изјави претседателот на совет на општина Крушево Андреј Николоски.

 

 

 


Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи