ВИДЕО – На 22 мај нема да има заедничка владина конференција со Бугарија, ниту заедничка делегација за Рим на 24 мај


Во однос на Бугарија јас од почетокот на мојот мандат како премиер кажав дека решението со Бугарија е единствено можно доколку тоа решение се заснова на европски вредности, на принципи на задржување на достоинството на граѓаните на двете држави и на меѓусебна почит помеѓу политичарите, институциите и граѓаните на двете држави, рече денеска во Прилеп, премиерот Димитар Ковачевски.

„Се додека нема такво решение кое се базира на тие вредности и коешто е изградено на принципите кои што ги кажав, тогаш нема да има решение. Во моментов како и во предходниот период Министерствата за надворешни работи разменуваат идеи помеѓу себе, како што било и во претходниот период, меѓутоа нема усогласено заедничко решение кое може да биде основа, прво за меѓусебен договор и второ за споделување со институциите во државата и во Бугарија и во Северна Македонија. Од таа причина тие разговори нормално дека продолжуваат.

На 22-ри нема да има заедничка владина конференција, од причина што агендите тоа не го дозволуваат. А на 24-ти ние ќе имаме наша делегација во Рим, која што ќе биде составена од министри, во која што ќе биде и ректорот на Универзитетот „Св. Кирил и Методиј“ од Скопје и која јас ќе ја предводам и тоа ќе биде македонска делегација“, истакна Ковачевски.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи