Искинати кабли под напон лежат на покривите во с. Загорани, крава угинала од струен во с. Веселчани

Play Video

Искинати кабли за кои жителите тврдат дека се уште се под напон лежат на покривите во прилепското село Загорани, откако вчера ова населено место беше погодено од невреме, проследено со силен дожд и ветар и кое уништило дел од електричната инсталација низ селото.

Жителите се крајно револтирании и стравуваат за својот живот поради каблите кои им висат над главите. Од страв да не им прегорат електричните уреди сами ја исклучиле струјата во домовите и сега практично 24 часа се без електрична енергија.

Иако се обидувале да го пријават случајот во ЕВН никој не им се јавувал. Случајот го пријавиле и во Центарот за управување со кризи од каде им рекле дека се запознати, но засега никој не дошол во селото.

Во соседното село Веселчани пак исто така од прекинат кабел од невремето угинала една крава од струен удар откако се допрела до кабелот. Жителите бараат итна реакција на надлежните.

 

 


Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи