ВИДЕО – Македонската култура и историја се повеќе се промовира во Полска, наспроти бугарските тези кои досега доминирале таму

Play Video

Се продлабочува соработката помеѓу Институтот за старословенска култура од Прилеп и полскиот Универзитет „Адам Мицкиевиќ“ од Познањ, особено со нивниот Институт за славистичка филологија. Целта е промоција на македонската култура и историја, како и вистината за нашата држава наспроти бугарските тези кои досега преовладувале таму. Сега се повеќе професори и студенти во Полска биле заинтересирани за изучување на македонскиот јазик, култура и историја.

Во последниве години ги интензивираме тие врски и се надеваме дека повторно ќе почнеме да соработуваме на еден широк научен простор, во повеќе научни дисциплини и полиња“, рече Александар Василески, директор на Институтот за старо словенска култура.

 

Благодарение на нивното доаѓање овде, на нашите контакти веќе тој мит за Бугарија полека тие го согледуваат и сега цитираат и македонска литература, односно прават разлика помеѓу македонската културна историја и бугарската културна историја. Придобивката е да се шири вистината за Македонија, придобивката е да се изучува македонската историја, да се изучува македонската етнологија, македонскиот фолклор“, додаде Ели Луческа, научен советник во Институт за старо словенска култура.

Досега од Полска во Прилеп имаат дојдено 20 студенти кои ја изучуваат нашата историја и култура, дел од нив сега и ќе магистрираaт на теми од нашата историја.

„Поврзана со Прилеп и прилепско, со посебен акцент на Маркови Кули и манастирот Трескавец“, истакна Моника Аждрак, студентка од Универзитетот „Адам Мицкиевиќ“ од Познењ.

Признаваат дека во Полска многу малку се знае за Македонија.

Мислам дека не се знае многу, кај нас на универзитетот мислам секако, ама да би прашала сега некој Полјак, мислак дека се што знае за Македонија е дека постои и дека има Охрид во Македонија, да бидам искрена“, изјави Хана Желењевска, студентка од Универзитетот „Адам Мицкиевиќ“ од Познењ.

На истиот став се и нашите студенти кои учат во Полска и кои велат дека е потребно таму да се однеси наша литература која за жал ја нема, а доминира бугарската.

Значи пред се сметам дека на нашиот факултет нема доволно македонска литература, првенствено сметам дека треба да се донесе, или нашето министерство или која било институција да донесе што повеќе литература затоа што професорите доста се ослонуваат на бугарската литература. Од таа причина на дел од часовите ние изучувавме пример дека браќата Миладиновци се Бугари, дека Цар Самоил е Бугарин“, потенцираше Јана Луческа, студентка на Универзитетот „Адам Мицкиевиќ“ од Познењ.

Но ова е вака затоа што кај нас за науката државата скоро и да не одделувала средства.

Значи нема конкурси за научни истражувања, нема конкурси за студиски престои, нема конкурси за научни конференции, нема конкурси за визитинг професори, нашата соработка е делумно покриена со некои ситни средства кои ги има институцијата да помогни и најмногу ни помага полската страна“, кажа Ели Луческа, научен советник во Институт за старо словенска култура.

Овие продлабочени соработки на Институтите од Полска и Македонија се планира во иднина да се интензивираат.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи