Мирчески: Лага на векот е дека тутунот се покачил, пресметано во вредноста на доларот како официјална валута за откуп на тутун, нема никакво покачување


Премиерот, заедно со откупните компании и Министерството за земјоделство шумарство и водостопанство постигнале договор за повисоки рекордни цени на тутунот. Па да ве прашам јавно: Премиере до кога мислите да ги правите будали тутунарите?, прашува во денешното соопштение, Игор Мирчески, координатор на новоформираните тутунски здруженија.

„А и морам да ви признаам дека не сте првиот кој со сеење на магла сакал да им ја потцени интилигенцијата на тутунарите,имаше и пред вас еден премиер кој се колнеше и крстеше дека просекот на тутунот ќе биде 185ден., а нас ни го откупуваа по 100-тина денари, ни ветуваше 5 милиони евра ковид помош, а сакаше да ни исплати 3.2 милиони, но и тој како и вие сега направи еден превид, заборави дека и тутунарите знаат математика.

Затоа премиере ако вие продавате магла ние ја знаеме вистината. А за жал вистината е следна: Официјална валута за трговија со тутун е американскиот долар.

Па затоа за да сфатите вие дека не си имате работа со неписмени луѓе, а и да им се крене маглата од пред очи на тутунарите што вие така храбро ја продавате еве ви една бесплатна анализа.

ЛАНСКА ГОДИНА ЦЕНИ  (54ДЕН=1$.) НОВИ ЦЕНИ ( 62ДЕН=1$)
1 класа 280ден = 5.1$ 1 класа 300ден = 4.8$
2 класа 206ден = 3.8$. 2 класа 240ден = 3.8$
3 класа 155ден = 2.87$ 3 класа 180ден = 2.9$
2-1 класа 85ден = 1.57$ 2-1 класа 100ден = 1.6$

И ЗА КОЛКУ РЕКОВТЕ премиере Е ИСТОРИСКОТО РЕКОРДНО ЗГОЛЕМУВАЊЕ?

Што значи: Просечната откупна цена во минатата година од 200 денари претворена во долари изнесуваше 3.75 долари по килограм односно според вредноста на доларот во тоа време од 54 денари.

Сегашниот курс на доларот со вредност од 62 денари ако се помножи со ланската просечна цена од 3.75 USD( 200 денари ) ќе добиеме просек од 233 до 235 денари кој според цените кои вие ги објавивте и се очекува. Ова потврдува дека цената е иста и непроменета во однос на лани.

Ако на ова се додаде фактот дека просечната производна цена за оваа реколта достигна 239.7 денари само ни потврдува дека откупната ќе биде пониска од производната.

Па нели е срамота да се фалите со историски висока цена на тутунот која неможе да ја достигне производната цена? Затоа: Доста ни продавате магла и под ИТНО седнете и договорете се со откупувачите за ВИСТИНСКО поткренување на цените на класите ако сакате вие и откупувачите и за наредната година да се сади тутун бидејќи како што ви кажав и на почетокот,тутунарите ни се неуки ни неписмени“, вели Мирчески.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи