Одговарајќи на новинарско прашање што планира Општина Прилеп со Победа, Јовчески рече дека Победа е симбол на градот, но клубот не е во сопственост на локалната самоуправа и мора да најде и други спонзори.
„Победа е симбол на градот, но клубот не е во сопственост на локалната самоуправа. Излегуваме во пресрет секогаш и со распределба на средства, но верувајте огромна помош за клубот е што нашата сопственост на фудбалскиот стадион, со трибините го одржуваме беспрекорно и навистина јавните претпријатија Комуналец и Водовод излегуваат во пресрет на секој предизвик или проблем со кој се соочуваат без некоја надокнада. Мислам дека таа е огромна помош, рачунајќи ги овие години на криза. Се размислува сепак да зајакне клубот, но таа помош не доаѓа само од Општината, треба нивниот управен одбор да си побара и други начини на спонзорирање“, рече Јовчески.
