Одговарајќи на новинарско прашање како се планира издавањето на општинската обврзница, која пред неколку дена ја најави лидерот на ВМРО-ДПМНЕ кога беше во посета на Прилеп, градоначалникот Јовчески денеска истакна дека таа ќе помогне во реализаицјата на голем број капитални проекти. Но се уште не се знае колку пари се очекува да се добијат и што ќе се прави со тие средства.
„Издавањето на општинската обврзница е момент за поздравување. Навистина општина Прилеп и другите општини, оние градоначалници кои сакаат навистина брзо да ги реализираат капиталните проекти, или проекти кои навистина многу чинат, можеме преку тие обврзници многу поедноставно да ги преземиме, да бидат продадени и навистина со тие средства да бидат тие проекти изведени. Нема закуп на имот, туку е како гаранција. Ниту една општина нема таков долг, сепак во рамките на финансиската конструкција во која што може да биде задолжена, не може да оди до бесконечност користењето на тие обврзници“, кажа Јовчески.
