Градоначалникот Јовчески повикува на смиреност по дојавите за бомби во неколку училишта во Прилеп

Play Video

Денес добивме информација за дојави за поставени бомби во основните училишта: „Блаже Конески“, „Добре Јованоски“ и „Гоце Делчев“. Веднаш после добиените информации за поставени бомби во овие основни училишта во општина Прилеп, воспоставивме комуникација со директорите на основните училишта, а бевме исто така известени и од ТППЕ Прилеп и Дирекцијата за заштита и спасување, изјави градоначалникот на Прилеп, Борче Јовчески.

„Благодарение на брзото постапување на сите вклучени фактори, учениците, наставниот кадар и другите вработени во училиштата веднаш се евакуирани на безбедно, а наставата за денешниот ден е прекината.

Во меѓувреме, исто така добивме информација дека од страна на полицијата се преземаат потребните мерки за проверка на дојавите за поставени бомби.

Како градоначалник на општина Прилеп, апелирам на смиреност и почитување на сите пропишани правила и прописи за постапување во вакви случаи.

Безбедноста на нашите сограѓани е на прво место, остануваме во контакт и во координација со ссите надлежни институции се до целосно расчистување за веродостојноста на дојавите, истакна Јовчески.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи