Струјата од 1 јануари може да поскапи за 8-9 проценти

Facebook
Twitter
Email
Print
Play Video

Ако се прифатат барањата на енергетските компании, струјата за граѓаните наредната година ќе поскапи за 8 до 9 проценти.

Имено, АД МЕПСО бара зголемување на цената за пренос на електрична енергија за 29,75 проценти, „ЕВН Електродистрибуција“ бара намалување на услугата за дистрибуција на електрична енергија за 2,8 проценти, а универзалниот снабдувач „ЕВН Хоум“ бара зголемување за пет отсто на цената за снабдување со електрична енергија.

„Доколку се прифатат барањата на трите енергетски компаниикако што се наведени, просечната цена за снабдување на малите потрошувачи и домаќинствата би се зголемила за 3,5 до 4 проценти, а зголемувањето на ДДВ-то од 5 на 10 отсто ќе има влијание од 4,72 проценти на крајниот трошок“, рече претседателот на РКЕ Марко Бислимоски на денешната прес-конференција.

Тој нагласи дека уште од сега може да потврди дека трошокот за дистрибуција на електрична енергија ќе биде намален.

Бислимоски информираше дека нема увоз на струја за задоволување на потребите на домаќинствата и малите потрошувачи. Блоковите за домаќинствата остануваат исти, а воведувањето на блокови за малите потрошувачи се одложува до 1 јули 2023 година.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи