ВИДЕО – Голем професионален боксерски спектакл во јуни во Прилеп

Секретарот и менаџер на Про Бокс Македонија, Дарко Чатлески, најави дека во текот на месец јуни се планира да се организира голем професионален боксерски спектакл.

„Целта ни е после тригодошна пауза конечно да го вратиме професионалниот бокс во нашиот град. Во фајт кардот ни се одбрани најдобрите боксери од Прилеп. Мартин Крстески со скор од 1 победа и 1 загубена борба во профи рингот, дебитантите Матеј Чатлески, двократен шампион на Македонија во бокс и Илчо Костовски кој има 20 борби од кои 15 победени и 5 загубени во аматерски бокс. Костовски сите борби ги има боксовано во Р. Словачка. Во однос на организацијата планираме да биди со одлична сценографија, професионално осветлување, професионален водител, девојки за рунди и музичка програма, а најбитно гарантираме добри борби. Не е исклучена можноста да имаме и плус профи боксери од Прилеп. Во програмата планираме да има до 10 професионални борби со боксери од Македонија Балканот и Европа. Најкасно до месец април ќе знаеме за датумот, времето и каде ќе се одржи овој боксерски спектакл“, истакна Дарко Чатлески.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи