МВР- Лажни се дојавите за бомба во над 30 училишта, од кои едно во Прилеп

Полицијата утврди дека се лажни дојавите за поставени бомби во училишта во Скопје и Прилеп, како и во Основниот суд во Охрид. Во соопштението од Министерството за внатрешни работи е наведено дека по извршените проверки во објектите утврдено е дека нема поставено експлозив.

Оттаму велат дека се направени сите потребни проверки во врска со пријавите кои пристигнале во 21 средни и 11 основни училишта на територија на Скопје, како и едно основно во Прилеп и Основен суд во Охрид.

Министерството наведува дека веднаш по добиените пријави, полицијата презела мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави.

Досега сите испратени дојави за поставени бомби во изминативе пет месеци, по проверките, се покажа дека се лажни. И додека дојавите не престануваат, властите се правдаат дека испраќачите тешко се откриваат и дека се работи за хибридна војна.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи