Во сабота и недела по втор пат „Прилепска Трансверзала“ – пријавувањата се во тек


По втор пат во Прилеп групата Прилепски Планинари – Авантуристи ја организира Прилепска Трансверзала во должина од 70 до 80 км. Во оваа трансверзала ќе се опфати прилепскиот венец на планините Бабуна и Селечка Планина.

Опис на турата:

Прв ден на маршутата е пешачење по планината Бабуна со старт од Економски Факултет во 6 часот, преку Маркови Кули, м. Трескавец, с. Дабница, рудниците Кукул, Сивец, м. св. Ѓорѓи, Борула, Белото, врв Козјак и крајна цел с. Плетвар, каде се спија во шатори.

– Одмор, вечера( прилепско гравче) обезбедено од организаторите, мала забава.

Вториот ден пешачење по Селечка Планина со старт од с. Плетвар во 6 часот до под врвовите Ливада, Чуле по сртот на Селечка до врвовите Калушоец и Коњарник, врвот Две Стени, превој Слива, врв Веслец и крајна цел с.Штавица или повеќе познат како малиот Холивуд.

– Ручек ( обезбеден од организаторот), мала дружба затворање на настанот.

– Турата спаѓа во тешки тури и не е за почетници планинари.

Во двата дена се предвидени од по 10-12 часа пешачење со попатните одмори места за освежување и собирање на сила до крајната цел. Секој учесник е должен да си обезбеди шатор и вреќа за спијање кои што ќе му бидат однесени до местото предвидено за спијање ( товарот од вреќа и шатор не го носи со себе).

За првиот ден секој со себе да си понеси онолку опрема и исхрана колку што му е потребна за тој ден, а остатокот му останува во селото Плетвар за вториот ден.
За исхрана за првиот ден секој да си носи со себе храна за поручек и ручек.
За вториот ден само поручек.

Вода има доволно по текот на целата трансверзала.

Пријавувањето е задолжително. Котизација за турата е 200 денари.

Во цената е внесено вечера во кампот, ручек на крајот од турата, превозот на опремата од стартната точка до местото за кампување и превоз од крајната цел до Прилеп.

За повеќе информации обратете се на 077556672 Владимир.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи