По завршувањето на натпреварите на Европскиот куп „Скопје -2023“ од денес започна Европскиот тридневен Џудо камп 14-16.08.2023. Истиот ќе се одржува во истата спортска сала „Јане Сандански“ на принцип по две тренинг сесии дневно.
На овој камп учество ќе земат околу 80 џудисти од Србија, Грција, Лихтенштајн, Грузија, Америка, Естонија, Норвешка, Саудиска Арабијa,Финска, Германија и домаќинот, Македонија.
Тренинг кампот го предводат нашите селектори Александар Фузевски и Дејан Мицкоски во координација со своите колеги од наведените држави. Ова е одлична можност за размена на искуства, соработка и дружење како на спортистите така и на стручните лица.
