Од Нова Година граѓаните ќе доживеат вистински ценовен шок за многу производи, особено за оние со кои се тргува берза. Кондиторските производи, особено чоколадото ќе станат вистински луксуз. Поради енормно високите цени на какаото на берзите прехрамбената индустрија во целиот свет, па и кај 2025 година ќе ја започне со драстично зголемени цени.
„Цените и сега многу тешко ги одржуваме на ова ниво, во кондиторијата генерално, затоа што новите количини на какао кои што ги увезуваме се со сериозно повисоки цени. Ако продолжи овој тренд, а најавите се дека ќе продолжи сите кондитории, ќе ги подигнат цените и тоа сериозно подугнување на цените“, истакна Владимир Трпаноски, директор во прехрамбена индстрија.
Покачување на цените се очекува и на маслото за готвење, чии цени исто така според прехрамбената индустрија во моментов буквално дивееле на светско ниво. Проблем била војната во Украина, каде поради промена на законите околу извозот и девизните плаќања комплетно бил стопиран извозот на масло.
„Зголемување имаше минатиот месец на маслото за готвење, сите производоители на рафинирано сончогледово масло ги подигнаа своите цени, зборуваи околината наша и Србија и Бугарија, најавите за нерафинирано сурово масло се се уште дека цената оди нагоре. Се надеваме дека ќе ги одржиме до новогодишните празници тие цени, но навистина е голем прредизвик“, додаде Трпаноски.
Дел од производителите велат дека немало да се покачат овие производи додека е во тек новогодишната потрошувачка кошничка на Владата.
„Изминатиов период активно во стопанска комора се одржуваа состаноци помеѓу увозниците, производителите, претставниците од малопродажбата и Владата на кои што состаноци се разговараше, се припремаа производоите за новогодипшната потрошувачка кошничка. На тие состаноци Владата остави слободен избор на производителите и увозниците да придонесат со одреден број на производи во таа новогодишна зимска кошничка, но се иззедоа производи од типот на масло кое што е берзански производ, шеќер, од причини што цените не можеме да ги контгролираме. Ние тоа го побаравме како производители и увозниците, но од страна на Владата беше апелирано за време на потрошувачката кошница да пробаме производителите и увозниците да ги одржат овие цени и да не дојде до поскапување во тој период кога ќе трае таа потрошувачка кошница. Мислам дека сите бевме согласни дека ќе издржиме, кај одредени производи многу е тешко, веќе се рефлектира во самата производствена цена на производите, но мислам дека сите ќе успееме да издржиме за да видат граѓаните бенефит за време на овие новогодишни и божикни празници“, рече Трпаноски.
Од Владата велат дека во неа нема да бидат опфатени производи кои зависат од светските берзи, како масло, шеќер, какао.
„И внимававме да не ставме производи кои што не зависат од домашниот пазар а тоа се берзански производи и увпзни суровини на кои што навистина не можеме да влијаеме, а тие производи се произведуваат со увозни сурови. Тоа се кафето, какаото, производството на масло во Македнија, шеќерот, но ќе гледаме и сите производи во кои се застапени овие сурови и тие да бидат со намалени цени во новогодишната кошничка. Еден апел до сите производители и увозници да не ги зголемуваат цените на овие производи во наредниот период, да останат исти и со одредените намалувања кои ќе започнат од месец декември ќе траат до јануари со новогодишната кошничка да имаме осетно намалување на тие производи кои ќе бидат застапени на трпезата на таа новогодишна кошничка“, изјави Марјан Ристески, заменик министер за економија.
Новогодишната потрошувачка кошница официјално ќе биде презентирана идната недела.
