НОВО во GALA WASH Прилеп !!! Перење на патосници - Антибактериски мирис - Црнило за гуми
Познатиот прилепски бизнисмен и хуманист, човек кој им помогнал на многу мина кога тоа им било најпотребно, Благоја Бошкоски – Окото, за големиот христијански празник Благовештение, организира бесплатен оброк за социјално загрозени граѓани во црквата Свети Кирил и Методиј – Параклис. Граѓаните може да дојдат во црквата од 11 до 15 часот и да си подигат ручек.
Бошкоски вели дека оваа идеја сакал да реализира веќе неколку години и ете дошол моментот кога истото може и да го направи.
„Се вели дека поблажено е да се дава отколку да се прима. Дека е блажено да се помага на луѓето. Бог не учи и советува да мислиме и правиме добри дела, со чисто срце, а не дека мораш. Мотив за оваа хуманитарна акција ми бепше да се помогне на посиромашните граѓани од Прилеп со еден ручек, но вистински од срце и со мои лични средства.
Задоволен сум што ми се даде шансда да се оствари дамнешната желба која во мене тлееше неколку години. Но не знаев како да ја исполнам и остварам мојата благородна идеја. Целта ме беше да направам една добра работа, едно добро дело. Сакам да помогнам и да дадам ручек за посиромашните граѓани од Прилеп и тоа на големиот христијански ден Благовештение, познат кај народот како Благовец. Ги повикувам на ден 07.04.2025 година во црквата Свети Кирил и Методиј – Параклис, во понеделник од 11 часот до 15 часот, да дојдат и да се почестат со ручекот.
Преедлагам и посакувам оваа идеја да стане традиција на големиот празник Благовец, да се помога на посиромашните граѓани од Прилеп и пошироко и со други добри дела. Се чувствувам задоволен, исполнет и спокоен, со благодарност и убаво чувство. Сметам дека можеме да им помагаме на луѓето на различни начини, затоа што смислата на постоењето е да помагаме на луѓето.
Ја искажувам благодарноста до Центарот за возила Прва Прилеп, Брокерското друштво НОБ Скопје и Друштвото за наука и уметност од Прилеп, за поддршката и помошта што ми ја даваат“, вели Бошкоски.
